Hea住瘦食月餅五大攻略

Photo 2014-09-01, 12 21 10 AM

女友嘉嘉WeChat我,問我可唔可以寫一篇關於點樣食月餅食得健康的文章。這當然可以啦!但要從不同角度去寫。因為每次讀到報紙寫關於月餅怎樣高卡高脂高糖後,都覺得好掃興!阿媽係女人,月餅高卡路里就係人都知。中秋節叫人唔好食月餅,就好似生日叫人唔好食生日蛋糕一樣!

一靜下來brainstorm,便發覺原來人長大了特別多感慨。記得去年的中秋節傍晚,我在將軍澳Popcorn跟一班像我一樣臨急抱佛腳的人爭相買蛋糕跟家人慶祝賞月。不經不覺就一年了!

言歸正傳,點樣Hea住瘦食月餅?

食得健康中秋節五大攻略

  1. 有高三酸甘油脂人仕要特別注意吃月餅的份量。月餅內的高脂肪及糖分,對已經有此問題的朋友來說,絕對不宜多沾手。無論是高級酒店,還是一般麵包店或老字號月餅店所售賣的各種餡料月餅,每天都不要吃超過一個迷你月餅,或1/4個傳統月餅,兩者大約200卡路里左右,說到底,最好不要日日食。
  2. 其他人仕,反正都是一年一次,只要有點策略,不用太介懷月餅的熱量。因為月餅多是高脂高糖,營養成份分佈就有點像cheese cake甜品,所以你要當月餅是一餐下午茶小吃。份量建議跟上面一樣:無論是什麼餡料,都不要超過一個迷你月,或1/4個傳統月。
  3. 若你把月餅當早餐的話,你便要加點水果:份量是一個中size水果,或一杯切塊水果如蜜瓜草莓等。月餅份量建議同上。
  4. 若果你打算在晚飯後才吃月餅,那麼你的晚飯份量便要調節一下了。你要減肉減飯多吃菜,以留quota給之後的月餅。
  5. 若你家中有多款月餅,而純粹為應節參與又無特定吃哪種月餅的話,可選擇低卡一些的月餅。冰皮比傳統月低卡,奶黃餡又比蓮蓉餡低卡,而水果伍仁肯定比蛋黃好。總之越迷你越細就一定越低卡一點(註:半島酒店的迷你奶黃月每個只有35克,約160卡路里)。

願你今年中秋節跟愛人家人兩團圓。

Facebooktwitterpinterestmail
The following two tabs change content below.
曾欣欣

曾欣欣

曾欣欣,加拿大註冊營養師,代言、專欄作家,5書作者;最新著有《就這樣EatClean減脂》。崇尚天然,喜愛下廚。飲食理念簡單:“Eat Better, Not Less”。